Siix Anta Joob

Moon moof’u moof Jegatee kaa ñaamna A xeexel boo ga’atee Nu ped ke na sate fee

A joonangaa joon rek A ga’ o puul a geenoox No tokand ke no pind ke A jataa rek Wiin we a ci’an ñaamel

- Ta yipaa no puus ke ten Boo puus ke naang fut koy Moon a ɗeetataa puus ke koy

Muu ta retna a raxiidel

- A ɗeetaa ɗeet o puul oxeene, No ñaal nuu refna o puul oxe A layangaa « laay laay » a ci’el Boo yaa puus ke naangna fut Ta xaad no mbindum Moon a lay o puul oxe yee: - « Xeey, ndax bugaa o ga’aa? »

O puul oxe yee: - « Keene soom um xeɗaa a Roog a yaal !

- Ta doonin ee: - « Mi koy, bugaam a bug o fuul! »

Moon a lay ee: - « Ndiiki, ndax bugaa i sofir O puul a doonin ee: - « lyoo, xam aqatnong a cat ake, ndax o waag o sadaxnuwaa! »

- Moon a fuul, o puul oxe a ga’aataa O puul oxe cooxin a cat ake

- No ñaal mberaand ne, ta lay a cat ake Ñamel ke, puus ke ten, ta yip a den Bo da naang fut !

- Ta wondoox na ndokum a laytuwataa Ta moof baa xeexiideel rek A gadoox saak ke, A ret boo a ndeer rek, a weec a cat ake

Waagatee a cat ake too ga’atee o puul oxe Andatee oxe ta refna Ta moof maaga rey gétt ga gépp, lekk ba yéy yax ya.